नेपालका कमल श्रेष्ठलाई रातोकार्ड, नेपाल १० खेलाडीमा सीमित (अपडेट)

भिडियो हेर्न तलको बक्समा क्लिक गर्नुहोस

१२ औं दक्षिण एसियाली खेलकुद (साग) मा माल्दिभ्स यू–२३ टिमविरूद्धको जारी खेलमा नेपालका कमल श्रेष्ठले रातोकार्ड पाएका छन् ।
फल गरेपछि दोस्रो पहेंलो कार्ड खाँदै कमल मैदान छाड्न बाध्य भएका छन् । अब नेपाल १० खेलाडीमा सीमित भएको छ ।
अहिलेसम्म नेपाल २–१ ले अगाडी छ ।
नेपालले यहि अवस्थालाई दोस्रो हाफमा पनि जारी राखे नेपाल प्रतियोगिताको फाइनलमा पुग्ने छ । त्योसँगै नेपालले १७ वर्षपछि सागमा फाइनल पुग्ने सफलता हात पार्ने छ ।
नेपालका लागि अन्जन विष्टले १५ औं मिनेटमा गोल गर्दै टिमलाई अग्रता दिलाए । दोस्रो गोल उत्कृष्ट लयमा रहेका नवयुग श्रेष्ठले ३६ औं मिनेटमा गरे । नवयुवले समूहचरणको खेलमा भुटानविरूद्ध ह्याट्रिक समेत गरिसकेका छन् ।
माल्दिभ्सले ५२ औं मिनेटमा एक गोल फर्कायो ।
नेपालले १९८४ र १९९३ मा साफ गेम्सको फुटबलमा स्वर्ण पदक जितेको थियो ।
शनिबार नै भएको अर्को सेमीफाइनल खेलमा बंगलादेशलाई ३–० ले हराउँदै घरेलु टोली भारत फाइनल पुगिसकेको छ ।